„Зелени страници“ – книжевна иницијатива што ја отвора темата за климатските промени и ја приближува екологијата до читателите

Проектот што ја спојува книжевноста и еко-свеста во практична акција – „Зелени страници“ претставува нов начин на промислување и делување преку културата и книгата.

Во време кога климатските промени се едно од најголемите предизвици на денешницата, новата иницијатива „Зелени страници“ има за цел да ја претвори книжевноста во средство за подигање на еколошката свест и практична промена. Иницијативата е дел од поширок европски проект поддржан од програмата на Европската унија Креативна Европа, во рамки на кој преку внимателно избрани книжевни дела се отвораат теми како: климатска криза, одржлив живот, и љубовта кон природата.

Што претставува „Зелени страници“?

„Зелени страници“ е еколошка компонента на проектот за превод и промоција на книжевни дела од помалку застапени европски јазици, но со јасна еко-ориентација. Иницијативата опфаќа:

• Промоција на еколошки ангажирани книги, меѓу кои и:
  • „Млечни заби“ од Хелена Букоски – роман што го замислува светот по климатска катастрофа и поставува прашања за нашата одговорност;
  • „Големите пространства“ – графички роман што преку детска перспектива ја истражува поврзаноста со природата.
• Издавање на книги на еколошки начин – печатени на рециклирана хартија, со корици од еко-материјали и достапни во аудио и дигитална верзија.
• Размена на знаење и идеи со младите – преку дискусии и работилници поврзани со темите на климатска акција, кои ја зајакнуваат улогата на литературата како платформа за општествено влијание.

Од идеја до еко-промена

Иницијативата не завршува со книгите. „Зелени страници“ е замислена како движење што промовира одржливи практики – користење на еко-торби, cardboard изложбени полици кои остануваат во употреба и по завршување на проектот, помалку печатен материјал и повеќе дигитални алатки, како и воведување на иновативни решенија (вклучувајќи и вендинг машини со книги) што ја намалуваат потребата од нова енергија и ресурси.

„Преку ‘Зелени страници’ сакаме да покажеме дека книжевноста може да биде гласник на промена – и дека преку малите навики како избор на книга, начин на печатење и однос кон природата, можеме да придонесеме кон позелена Европа,“ изјавуваат од тимот на проектот.