ГОЛЕМИ ПРИЗНАНИЈА ЗА ТРИ НА ГОДИНЕШНИОТ САЕМ НА КНИГАТА
Македонската асоцијација на издавачи (МАИ) денес ги објави добитниците на годишните признанија за најуспешни изданија помеѓу два саема, а Издавачкиот центар ТРИ и оваа година се закити со високи признанија за својата работа.
Комисијата на МАИ му додели на ТРИ вкупно 6 признанија во повеќе категории, и тоа:
- Прва награда ЗА ИНОВАТИВНОСТ за мобилната апликација за читање на електронски книги Kniga.mk
- Прва награда во категоријата ПОТТИКНУВАЊЕ НА ОПШТЕСТВЕНА ОДГОВОРНОСТ со проектот Карантински приказни, издание кое директно го поддржува македонското здравство
- Прва награда во категоријата НАЈДОБРА КНИГА ЗА ДЕЦА И МЛАДИ за изданието „Мочурливци“ од Барбара Симонити, во превод од словенечки на Дарко Спасов
- Втора награда во категоријата НАЈДОБРА ЕДИЦИЈА за „Магични приказни“ едиција (поддржана од програмата Креативна Европа на Европската Унија)
- Трета награда во категоријата НАЈКРЕАТИВНО ИЗДАНИЕ „Планум креативност“ и „Планум продуктивност“ од Александра Шаровиќ Атанасовска (издание на Паблишер)
- Трета награда во категоријата ПРИЗНАНИЕ ЗА НАЈУСПЕШЕН ДОМАШЕН АВТОР за авторот на ТРИ, Ана Јовковска и нејзината книга „Сакам, значи постојам“.
Одлуката за наградите на МАИ ја носи специјална надворешна комисија во чиј состав оваа година беа Иван Шопов, Тони Димков и Наташа Атанасова, а официјалниот настан за доделување на наградите ќе се одржи во петок, 11 септември од 11 часот во Промотивниот центар на отворениот Саем на книгата во Скопје.