ДУШАТА ЗБОРУВА НА МАЈЧИНИОТ ЈАЗИК – ОД 21.5. ДО 31.5. И ТАКА ДО ∞ ЧИТАМЕ ДОМАШНА ЛИТЕРАТУРА

ДУШАТА ЗБОРУВА НА МАЈЧИНИОТ ЈАЗИК – ОД 21.5. ДО 31.5. И ТАКА ДО ∞ ЧИТАМЕ ДОМАШНА ЛИТЕРАТУРА

Можеш да зборуваш на кој било јазик, ама мислите и душата секогаш ќе си се обраќаат на мајчиниот. Зборувај им на јазикот што го разбираат – читај им книги од домашни автори!

Токму затоа од 21.5. до 31.5. во нашите книжарници ќе се шири убавината што меѓу кориците ја вдомуваат македонските автори. Збогатете ја библиотеката во срцето со прекрасни наслови – ве чекаат книгите на Винка Саздова и Јагода Михајловска-Георгиева, Венко Андоновски, Луан Старова, Наташа Сарџоска, Стефан Марковски и Стефан Миленков, прозата и поезијата на Петре М. Андреевски, Виолета Танчева-Златева и уште многу, многу други. А не заборавајте ги и новите доживувања на Стела и Сани!

За време на овие денови на македонска литература сите книги од домашни автори во издание на ТРИ, Паблишер, Или-или, Полица, Сакам книги, Антолог, Темплум, Бегемот, Арс ламина и Бебе готвач, ќе бидат на попуст, кој ќе важи и онлајн на книга.мк. За секоја купена книга добивате 10 % попуст, за две 15 % и за три или повеќе 20 % попуст.

Она што е душата за телото, тоа е мајчиниот јазик за постоењето. Читајќи да уживаме во него. Кликнете на следниот линк: https://bit.ly/3wIJQRb – тука е најдоброто од македонската книжевност!

Влези во светот на ТРИ

Пријави се за буклетер и секогаш прв ќе дознаеш што е најново